🤯🤯🤯
موضوع بيخلي الناس عاملة كده 😤 أو كده 😖😩
كتييييير مننا عندهم أزمة ثقة
في كتييييير مننا مش عارفين يثقوا
وفي كتيييييير مننا مش عارفين هما عايزين إيه 🤔
ألا صحيح هو أنا عايزة إيه؟! 😒 😄😄😄
أتذكر مرة عميلة عندي بعتت تسألني: أعرف إزاي أنا عايزة إيه؟؟
الحياة طول الوقت بتيجي تورينا إن اختياراتنا دي مش هي فعلًا إللي إحنا عايزين نعيشه
ولو جه حد يسألنا عايزين إيه بالظبط ويطلب مننا نكون محددين، هنكتشف إننا فعلًا مش عارفين نعوز ولا عارفين نحدد اللي نعوزه 🤓🤦🏻♀️🤦🏻
عروستي 😄
اختياراتنا بيحددها الماضي بتاعنا وده اللي بيخلينا نختار ونقرر قرارات وندخل كمان في علاقات غير واعية غير واعية بالمرة
وأوقات بنبرر اختياراتنا وقراراتنا بإننا كنا مجبرين
تيجي الحياة هانم مشكورة تحب تقولنا لأ
مش هي دي الحاجة اللي انتو عايزينها ولا دي العلاقات اللي تفرحكوا ولا دي العيشة اللي بتحلموا بيها..مالكم قاعدين فيها ليه..قوموااتحركوا..شوفوا حاجة تانية أحسن..وهاتوا ده أرميه من الشباك مش عايزينه..مالوش لازمة
بدل ما نقولها يا ستي متشكرين ألف شكر على خدمتك العظيمة دي. لا. نقعد نعيط ونندب حظنا عشان الدنيا أخدت مننا أكتر حاجة بتؤذينا ومع ذلك متمسكين بيها
وخد عندك بقى مواويل وأغاني هم ونكد السنين على الخسارة وفراق الناس والخيانات والبلح الأحمر إللي مش عايز يخلص ده 🙄🙄🙄🙄
بنحب الدراما موت أد عنينا 🤣🤣 وش نكد أصلي 😃😃🤭
يا ترى الدنيا فعليًا أذيتنا ولّا جهلنا هو اللي بيستمر يؤذينا؟ 🧐
طب ما هو إحنا أصلًا اللي مش بنتعلم نثق في أقدارنا 🤷🏻♀️ حلوة أو وحشة في عينينا بس هي كلها خير بس مين فينا مصدق؟!
مين فينا قادر يؤمن بالقدر حلوه ومره وبحكمته؟
مين فينا بيتعلم دروسه صح؟؟؟
مين فينا بيدور على الدروس أصلًا عشان يتعلمها؟
مين فينا قادر يثق ويآمن *قبل* ما يشوف بعينه ويدرك حكمة ربنا إيه في إللي بيحصل؟
مين فينا قوي نفسيا كفاية إنه يعترف بجهله (لنفسه) وإن عنده أزمة ثقة؟
طب مين بقا متواضع كفاية ومشفق على روحه ومش بخيل وبيدوّر يشتغل على مشاكل الثقة عنده/ها؟
خد دي بقا، مين فينا قادر يتحدى مسلماته ومعتقداته إللي زنخت وهي راكدة في عقله بقالها سنين عشان يعرف يفندها كويس وينظفها أو يرمي المعطوب منها ويستبدله بمعرفة ومعتقدات جديدة ريحتها حلوة وشكلها حلو وأورجانيك في نفسها كده؟
مين؟؟ 🙄
مرات كتير بقعد وأكلم ربنا وأقوله شكرا إنك أنت ربي
لو كان الأمر عائد لنا، كنا ضيعنا من زمان أكتر ما إحنا تايهين 😒
علامات كتير إشارات كتير ومواقف كتير بتيجي تشاور لنا على الاتجاه الأسلم بس بنختار اللي بنختاره. تمام زي الفل. اختار. مش أنت مخير. طب تحمل مسئولية اختياراتك واعرف إنها لو سيئة، فمن أنفسنا مش من عند الله. مش مقتنعين أو مش مصدقين وعايزين نسقط غضبنا على اللي خلقنا
طب لو طلعت العواقب حلوة؟ بننسى نشكر ونتغرّ في نفسنا ونتنفخ انتفاخ مش طبيعي. قال يعني بان علينا الثقة
ما هذا الجنون؟ 🤪
هذا قصر نظر وغرور!!
الخلاصة، الحياة عايزة تدينا أفضل حاجة من كل حاجة ولكن على قدر ثقتنا وإيماننا بوجود أفضل الاحتمالات وتواضعنا + ثقتنا الحقة بأنفسنا وبخالقنا الأعظم "وما ذلك على الله بعزيز" التواضع والثقة في نفس الوقت
الوعي منقذ كبير من فخ أزمة الثقة ده. وعيك المتطور دلوقتي يؤثر على مستقبلك ومستقبلك يستطيع تغيير ماضيك. هذه حقيقة أثبتت نفسها للعلماء 👌🏻
إحنا جميعًا هنا في رحلة. كل واحد له مساره. مش مطلوب مننا أكثر من التمسك بإيمان سليم في القلب. نطلق أيادينا شوية فهكذا يكون التحرر والتسليم للمشيئة الإلهية
موضوع مش سهل أنا عارفة بل يمكن يخوف بس عادي اعملها وأنت خايف. عاااااادي
لو استنيت لغاية لما الخوف يروح، جايز ما تعملهاش أبدا وتفوتك السعادة وتفوتك الحياة. الحياة لا تسكن ميتًا يحكمه الخوف
Guaranteed
