بمناسبة عيد الحب

 كل سنة والحب طيب وبخير وحي في قلوبنا

كل سنة وإحنا طيبين وبخير وأحياء لأننا من غير حب في قلوبنا أموات وأرض بوار

أنا بتعمد ما افتحش موضوع الحب والعلاقات ده، مع إني لو اتسألت ممكن أسهب فيه 😄 بس أنا بشوفه موضوع مختلف عليه كتيييير وكل من هب ودب يعمله علامات وأمارات وشروط ونظريات وبلاوي زرقه مابتخلصش 🤓🤪

وطبعًا برامج للأسرة ومتخصصين علاقات بالهبل على قفا من يشيل بيقولوا حاجات حلوة وحاجات مقندلة والشوربة من كتر طباخينها بقت عك 🤢

(مع احترامي للعاملين بالبرامج والمتخصصين)

لا أدعي وأقول أني سأعلمك الحب الحقيقي واسمع كلامي أنا..أنا بس اللي عارفة إيه هو الحب وأنا اللي هعرفك عليه. ولا أطلق على نفسي بعض الألقاب مثل: الحب، الشمس، الملك الأبدي، راچا وكل الحاجات دي. في ناس من مشاهير السوشال ميديا بيشوفوا نفسهم نصف إله ولهم متابعين ومريدين متعلقين بيهم جدًا ومنهم مَن ينعت نفسه بأنه صوفي وأن جبريل عليه السلام يلهمه

وهم بالأخير شخصيات نرجسية متخفية بستار البراءة والدلال والحنان (طاقة أنثوية) يتحدثون عن العشق والحب، وطبعًا سهل افتتان البنات والسيدات بهم، ويسعون بذلك للسيطرة وإخفاء وحشتهم الداخلية المظلمة وشعورهم بالوحدة والخوف على بقائهم

هذه الشخصيات المنافقة عيبها إن لها وجهان نقيضان. واحد تظهره والبشع فيهم تخفيه

في مجال الوعي، مع الأسف في ناس مش على قدر عالي من الوعي بأنفسهم وبجانبهم المظلم الملئ والمخبأ فيه قدر كبير من عالمهم الداخلي المستتر والكامن، مخادعين يعيشون في غفلة عن أنفسهم، ومع ذلك لسانهم حلو وشكلهم حلو (يتظاهرون بسمات الورع والحياء والثقة بالنفس المبالغ فيها) وبيقولوا كلام كبير عليهم فالناس تتخَمّ وتفتكرهم علماء ومفكرين ووعيهم عالي جدا لدرجة إنهم بيكتفوا بيهم وبدوراتهم ودائمًا في حالة عطش للجديد بتاعهم كأنهم يجدون الماء فقط عند هؤلاء البؤساء

بس شوف ردة فعلهم إذا أعرضت عنهم ومشيت، ينعتوك بأسوأ الصفات ويغضبوا عليك وتشوف منهم وجه أقبح من عفاريت المقابر🤬😡، إزاي تخرج عن سيطرتهم يا سافر! ☹️

قلتها من قبل، الطريق الروحي طريق مخادع جدًا. كلما زادت معلوماتك، كلما زادت فرصتك في انتفاخ أناك السفلى (الإيجو) وترويجك لنفسك على أنك العارف بالله والولي والغريب والفئة المستضعفة ووكيل السماء الذي أتى إلى الأرض ليعرّف الناس بخالقهم (بالفعل قالها مخبول من هؤلاء: "أنا هعرّفك على الله") 

***بني آدم لا يعلم شئ عن حاجة اسمها جانب مظلم أو عارف لكن لا يعمل عليه باستمرار وعنده ملفات متلتلة ما ينفعش يقول على نفسه واعي أو عارف بالله ويشتغل كمان على الناس ويبرمجهم على برمجته هو/هي. القناع الروحاني صعب اكتشافه وصعب خلعه***

لكن قريبا  هيسقط القناع وهتكون الصدمة كبيرة على إنه/ها يستوعبها.

<<وبالمناسبة، في منهم لص أو اتنين بيقرأوا مقالاتي هنا زيكم وأنا أقصدهم بتلميحاتي ولولا إني بقول كده مباشرةً، غرورهم الغبي مش  هيخليهم يفهموا إن قصدي عليهم. لمحت كتير وقلت كتير قبل كده. مش هنا بس، لكن الغرور ضخم لدرجة مخيفة وقناع البراءة بالعهم جواه. هو ده العمى. هو ده النفاق اللي عايشين بيه وفيه. واللي مسمي نفسه سرمدراچا ما هو سوى منافق ممسوح الهوية أو هويته اعتمادية   يتغنى ويتفلسف بفلسفة غيره ولو ما وقفتش سرقة، أنا هفضحك أكتر من كده وهكشف العك اللي عكيته لسنين ومن بعده السرقة الفكرية  إللي بتنهبها من منصاتي بقالك سنتين تقريبًا لدرجة إن مريدينك أخيرًا فهموا أنت بتتكلم على إيه أساسًا. وبحذرك من محاولة إرسال طاقة عبثية باتجاهي لأني هرصدها وهبعتلك حاجتك مع نفس ساعي البريد.  خلي عندك بعض الكرامة والشرف وابعد عن طريقي تماما >>

هناك أولياء حقيقيون وعارفون ووو صادقون غير مدعين، لكنهم لا يفصحوا ويلتهون بأنفسهم وبأعمالهم ولا يطلبون معاملة خاصة أو ألقاب هم لا يعبأون بها أو بوضع هالة من القداسة حولهم ويخطئون تارة ويصيبون تارة أخرى. يتركون الأشياء تحدث بطبيعية. لا تراهم أبدا يصممون دوره تدريبية أو ورشة عمل يعلموك فيها إيه هو الحب الحقيقي عملي. هذا عبث!

لا أستطيع أن أعلمك كيف تحترم نفسك؛ كيف تحب؛ أو كيف تؤمن بالله. ممكن أعلمك كيف تظهر حبك أو احترامك أو تقديرك إلخ. لكن إذا لم يكن الحب موجودًا أو كان ضعيفًا فكيف يفترض بي أن أعلمك إياه؟!! 

الدورات تعقد للتدريب على المهارات التطبيقية المختلفة وليس للخوض في أمور معنوية وفلسفية مطولة مهما كانت التقنيات المستعملة 

عزيزي، العمل مع الذات ورحلة التشافي والتماس النور الداخلي في أثنائها هو ما يفتح لك الأبواب لتعيش حبًا صافيًا مطلقًا لا محدودًا تقترب به من ذاتك ومن خالقك وتتصل به وبمخلوقاته وتكون بذلك قد وفقت في اختبارك هنا -إن شاء الله-

إنما العبرة بذلك وليس بدورة أو ورشة تمشي فيها على خطى أحدهم الخاصة دون خطاك فتحمل كارمتهم وبرمجاتهم

<<بعتذر عن الحاشية اللي فوق دي عارفة إنه مقال بمناسبة عيد الحب والحاشية مش متوافقة مع الموضوع. عذرا لكن التوقيت فقط هو اللي متزامن واستدعى قول الكلمتين دول لصاحب النصيب مش للبقية>>