الأمومة/الأبوة السامة أو الوالدية السامة
قالب سام كده الأمهات والأبهات بينقشوه بشكل عجيب ومنتشر بطريقة سرطانية يغتال الجيل الأصغر في طفولتهم ويتحولون إلى أشخاص سامة وهو التفرقة بين أولادهم وتفضيل أحدهم على الآخر أو البقية وفي حالة أخرى تفضيل البقية على أحدهم. شئ عجيب
تفضيلك لأحد الأبناء والميل إليه عاطفيًا لا يعطك الحق أن تجعل من واحد منهم السيد والآخر العبد..السيد المدلل المطاع والآخر العبد الكادح المهان
تفضيلك وتفريقك في المعاملة بيظلم الاتنين بنفس القدر. النقطة دي خطيرة جدا..ركز معايا
فاكرين أنماط التعلق؟ الأب أو الأم السامة بيلعبوا بأولادهم دول زي العرايس. واحد فيهم المدلل بيطلع نمطه الهارب والآخر العبد أو الخادم بيطلع المسترضيِ المطارد. الاتنين دول حياتهم جحيم لأنهم ببساطة عايشين مع نافخ الكير اللي بيتغذى عليهم. بيئة سامة ووسط خبيث يحتاج البتر
وعلاقتهم ببعض مش قوية كأخوة ومشاعرهم ناحية بعض متضاربة فبيحتاروا ويتخانقوا كتير أكتر ما بيتفقوا وتنعدم نوايا التصالح والوفاق ويفضلوا الأخوة الأعداء. العمر يعدي عليهم وهم لسه بعقلية الأطفال اللي عاشوا الطفولة البائسة دي
ماذا عن نافخ الكير ده؟
طيب أنا هوجّه كلامي الجاي ليه/ليها...
أولًا، أحب أقولكم أنتو تكفّروا العشير وعشرتكم تقصر العمر وتجيب المرض وأنتم تعلمون. دي نظرة أولادكم ليكم. مع الأسف، أولادكم كرهوكم وكرهوا نفسهم وكرهوا بعض لأنكم ربيتوهم على الغضب والعدوانية بدلاً من الحب والألفة والتعاون/المشاركة
ثانيًا، أنتو أخرتكم سيئة جدًا..أبعد من خيالكم. وعمومًا أنتو عايشينها بالفعل بس مش واخدين بالكم. فاهمة كويس إنكم عانيتم في طفولتكم واتذليتم من غير ما تعملوا شئ بس لما جتلكم الفرصة ذليتوا غيركم -ولادكم وكل حد تاني عدّا عليكم- كنوع من التشفي والاستمتاع بإذلال الآخرين. عايزين تعاقبوا اللي أذلوكم من قبل في حد تاني ليس له حول ولا قوة. مش ذنبه شئ غير إنه بيفكركم بالطفل البرئ اللي كنتم عليه. بترفضوه زي ما رفضتوا نفسكم.
مفيش شفقة لحد لم يشفق على نفسه أولًا
ثالثا، أحب أنبهكم إنكم راجعين لنفس الإذلال من جديد بس المرة دي باختياركم مش غصب عنكم. أنتو اختارتوا تستمروا في مسلسل العنف والعدائية ده. كملوا فيه وشوفوا بنفسكم أخرته إيه..وربنا يسترها عليكم
بالنسبة لأولاد الوالدية السامة (ولد أو بنت):
ما تعاقبوش نفسكم ولا تحسوا بالذنب، ولا تكرروا دائرة السوء دي ⭕️ لا تسبحوا في أفلاكهم ~ ده أولًا
ثانيًا، محتاجين مساعدة من حد متخصص. اللي مريتوا بيه مش بسيط ومش سهل تتخطوه وحدكم. فما تهربوش من تاريخكم الشخصي ولاتنكروه. في صدمات وجائز جدًا يكون فيه تعنيف وإيذاء
بعضكم عايز القصاص لكنه بردو مش هيريحكوا. اللي هيريحكوا إنكم تحصلوا على خاتمة للقصة دي وده هتعملوه مع مساعدكم. صدمتكم معقدة عايزة تتفك عشان حياتكم تتفك ولا تحبوا تشوفوا أخرتكم أنتو كمان؟ 😈😃
الماتريكس ده مش قَدَريِ..تقدر/تقدري تتخلص منه وتختار طريق تاني. أقولها تاني؟ فك روابطك واعفو
#فكها_ياأخي_بقا
ليست هناك تعليقات:
إرسال تعليق