الوالدية السامة ٢
المرة دي كلامي لأبناء الوالدية السامة- الأسر المتصدّعة المفككة
١.عشان أريحك الوالد/الوالدة السامة معاقبين بالفعل. إزاي؟
يا فضولك القاتل 😀 ما بيعرفوش يفرحوا. أصعب شئ إنك تُحرم من السعادة عشان حرمت من إنك تحس بالفرحة أساسًا. حط واحد بالشكل ده أدام بحر وهوا نقي وجو مرح وضحك وانبساط، هتلاقيه شايل الهم ومش عارف ينبسط. ممكن يبين سنانه لكن من جواه مش قادر يضحك ولا حاسس بسعادة. معاقب ده ولا مش معاقب؟
٢.العنف بيخرج في صورتين: على نفسك أو على الآخرين. هما بيخرجوه على الآخرين وأنتم بتخرجوه على أنفسكم. في الأخر كله عنف ودائرة واحدة وكلٌ ظالمٌ نفسَه
٣.اخرج من ظلام نفسك. اخرج من الظلام إلى النور أو هات كشاف ونوّر عتمتك..فرّغ محتويات ذاكرة الألم وسيب الأحزان تمشي وتسيبك في سلام. وتبقى بكده كسرت الدايرة وفتحت لنفسك المجال عشان تطير وتبدع
٤.عوّض اللي فاتك بنفسك مش تجيب حد يعوضهولك 🙄 محدش مَدين ليك بشئ عشان يعوضك عن شئ.
ولا حتى الآباء دول؟ ولا حتى الآباء دول
اخرج انت وانطلق وعيش واستغل إمكاناتك كويس. اتعلم إدارة حياتك برشد
#اعقلهاوتوكّل
#تعرف_تتوكّل؟ 🤔
ليست هناك تعليقات:
إرسال تعليق