التوازن
موضوع عايزة أتكلم فيه من زمان بس هو أصلًا كبير شوية ودسم وليس لأصحاب القلوب الضعيفة ⚠️ أديني حذرت من الأول أهو 🙄 ⚠️
مؤخرًا اكتشفت إن الإيمان وزيادة الإيمان بتلعب دور كبير في اتزانك واتزاني واتزاننا كلنا. الإيمان وزيادته بيوديك على مكان سحريمقدس كده بتتعلم فيه معاني كتييير كنت بتسمعها لكن مش فاهمها أو محدش بيشرحهالك. من المعاني دي الرضا التسليم السماح/المسامحة الحرية
من تجربتي، الحاجات دي حصلت لوحدها مش لأني طبقت تمارين وتأملات وحركات لأ..أنا حرفيا دخلت فيها كده تلقائيا طواعية لاواعية 😅سميها زي ما تسميها
بس أنا مش عايزة أحكي عن تجربتي عشان دي خاصة جدا. اللي خلاني أكتب عن الموضوع ده هو إن في منطقة التوازن كل حاجةبتحصل. كل اللي كنت بتجري وراه جري الوحوش وتسعاله بيحصل وببساطة وبدون مجهود فتسأل نفسك اومال انا كنت بهبب ايه قبلكده؟ ما الحياة سهلة وبسيطة أهي 😄
بالظبط، هي ما طلبتش منك كل الجري والفرهدة دي..كنت مستني ايه يحصل بعد كل الجري ده؟!
أنا هفهمك. احنا أجيال أخر الزمان مع الأسف اتولدنا وعيشنا حياتنا إلى الآن داخل الماتريكس أو المصفوفة (واللي هو عبارة عن غشاءومحاكاة للحياة الحقيقية لكن مش هي) واتبرمجنا واتدربنا من كل اتجاه -الأسرة التليفزيون والإعلام الشارع المدرسة الأصدقاء نوعية الأكلاللي بناكله والتيك أواي الموضة الماركات التكنولوجيا النظام التعليمي النظام الاقتصادي والبنكي إلخ- اننا نعمل زي كل الناس ما بتعملونقلد وينطبع علينا بالآلة ونبقى نُسَخ أو زي ما أنا بسميها "مسوخ" وغيري بيقول سيبورجات..من الأخر بلطجوا علينا
فهمونا ان الحياة شحططة ما نأمنش لبعض الدنيا تلاهي الحياة صعبة والناس بقت وحشة ولاد الحرام ما خلوش لولاد الحلال كنّز فلوسماحدش ضامن الدنيا. الرجال يعيبوا في الستات ومش فاهمينهم والعكس صحيح. وفجوة الآباء والأبناء وسحلة سودة مالهاش أول من أخر. وكل ده مقصود عشان تجري جري الوحوش فعلا ويضيع العمر يا ولدي والصحة وتقعد تنتظر الموت بعد ده كله
ولما بقول هما واحنا ما تاخدش موقف الضحية والمجني عليه هنا لأنك شاركت في كل ده..كان لك دور لما ما سمحتش لغيرك يختلف عنك ولايكون فيه خيال وابداع وصوت مغاير ليك وحاربته عشان تقتله جواك وبراك
موضوع كبير وهيدوس على زراير أنا عارفة بس تعالى قولي كده ليه انت مش سعيد لغاية دلوقتي ؟ ليه اللي بتبات فيه بتصبح عليه؟ بلاش،ليه بتخاف وتتخض أو تتشائم كل ما بتسمع خبر هنا او هنا؟
ليه انت هو انت بعد كل اللي حصل في العالم ده وهيحصل؟
فكرت في نمط حياتك وخط سيرها اللي انت ماشي عليه من زمان ده؟ هل انت متوقع ان الحياة تتغير وأنت زي ما انت؟
ما بتحلمش توصل لمنطقة اتزانك وأمانك ؟
ايه اللي مستعد تتخلى عنه عشان توصل للمنطقة دي؟
وظل يحلم ثم استفاق على واقع 🙀 هل هو حقًا استفاق أم لم يحن الوقت بعد؟! 🌬🌬⚡️
ليست هناك تعليقات:
إرسال تعليق