التلقائية والميكانيكية
ربنا سبحانه وتعالى لما خلق أي نقيضين خلقهم وسخرهم لنا عشان نستعملهم الاتنين ونمزجهم بس نعرف ازاي وامتى
التلقائية والميكانيكية مثلا الاتنين موجودين كل واحد له وظيفة فالاتنين مطلوبين. الالتزام بواحد دون الآخر يعمل لخبطة. طيب أنا أقصد إيهبالتلقائية وبالميكانيكية؟
التلقائية اللي أقصدها هي العفوية الطبيعية النابعة من حقيقتك من غير تكلف ولا مجهود مش من برمجات العقل وتفكيره. والميكانيكية أوالآلية زي الروبوت محتاجة تكويد وبرمجات ومفكات وشغل مضني وليلة طويلة كده 😰 سكة واحدة ما لهاش تاني
لا أنكر إن في مواقف محتاجة طريقة آلية براجماتية شوية بس زي ما قلت الالتزام بجانب واحد يضيّع
الفرق ما بين الاتنين عامل زي الفرق بين الطاقة الأنثوية والطاقة الذكورية..مفيش حياة ولا تستقيم الحياة من غير الاتنين مع بعض. التوازنما بينهم حيوي
مفيش حاجة أفضل أو أسوأ من التانية بس اللي خلاني أتكلم عن الموضوع ده هو إني بشوف الناس غرقانة في الميكانيكية ونسيت عفويتهاأو بتداريها وبالتالي ينسوا ازاي يلعبوا ازاي يفكوا ويبتسموا نسيوا يرتاحوا نسيوا يتجاوزوا..وقعت منهم حاجات كتير
بالإنجليزي: they take themselves too seriously
بيفتكروا المشاكل والمخاوف والقلق أكتر من السلام والراحة والاستمتاع أينما ذهبوا. عشان كده لما تقول لحد سلّمها لله، ما بيعرفش يسلمهالله. توكل على الله أو خليك واثق ومتيقن، يقول ونعم بالله ويروح يتحكم في الأمور 😐 أنت مين؟ 😁
الوعي بالنقطة دي فقط ممكن يغيّر حاجات كتير. مشكلة الميكانيكية هي الجدية الزيادة والتكرارية. بتكون نسخة مكررة يعني في منك كتير. بس محتاج تفهم إن اللي بيعتقده الآخر أو بيعمله مش ضروري انت تكرره/تقلده. ممكن لكن مش ضروري
التلقائية مشكلتها ايه طيب؟ مافيهاش الجدية اللازمة ساعات فالأمور تسرح منك
محتاج تخطط وتسمح بمساحة للمفاجآت أو العكس، ما تخططش وسلّمها لله بس خليك واعي انت بتعمل ايه ووقت الجد خليك مستعد
أخليني جوه الصندوق ولا بره الصندوق؟ الصندوق مش وحش ولا بره الصندوق وحش. تعرف بس تفتحه؟
اتحرر شوية من ردود أفعالك الآلية وعيشتك ذات اللون الواحد. الحياة فيها ألوان تانية. التلقائية مش صبيانية ولا هتضيع هيبتك. خد منالاتنين أحلى ما فيهم
#اعرف_تعيش_إزاي
ليست هناك تعليقات:
إرسال تعليق