الغيرة والحسد المرضي
كل حاجة درجات 🪜 في درجات مقبولة وصحية/ضرورية ودرجات مَرَضية
المشاعر شئ جميل ونعمة في حد ذاته لكن المبالغة فيها ما بيكونش في مصلحتك. الغيرة لما تزيد وتبقى مرضية بتحولك لشيطان متخفي بتعذبك في كل لحظة فتعذب غيرك. بتبقى عايش عذابك في الجحيم هنا على الأرض. مشكلة الغيرة والحسد المرضي إن صاحبه/ صاحبته بيعاني منه ونفسه يخف ضغطه من عليه لكن وفي نفس الوقت متمسك بيه..متمسك بيه أوي لأنه خلاص ما يعرفش أسلوب حياة وعيشة غيرمن خلاله. الشخص ده trapped حرفيًا مزنوق ومحبوس واختلالاته لا حصر لها ومحتاج مساعدة متخصصة فلا تتطوع من نفسك كده وتروح تساعده هتتحرق بناره/نارها
بعض الناس اللي مش فاهمين ده وبيختبروا المشاعر بالدرجات الطبيعية بيكونوا أصدقاء لهؤلاء الشياطين المتخفية وبيتأذوا كتير ونفسهميفهموا هما عملوا ايه غلط عشان يستاهلوا الأذى ده؟
أنتوا ما عملتوش حاجة غلط بس أنتم كان ناقصكم شوية وعي واعتراف بوجود نقائضكم في تلك الحياة. النقائض دي مش بالضرورة تكون وحشة -يا ريت نشيل كلمة حلو ووحش من قاموسنا- بالعكس هي وجودها في الحياة لزوم التوازن وحساباته
يمكن تكونوا استجلبتوا الأذى ده عشان تعرفوا ايه اللي تستاهلوه حقيقي بس كنتم في غفلة عنه أو تجاهلتوه عمدا
أهم حاجة تعملوها في الموقف ده هي acknowledge and accept تقبلوا. التقبل جزء من إيمانك بنفسك وإيمانك بربك والإيمان هو فيالأساس أن تؤمن بالله كأنك تراه. ما ينفعش ما تشفهوش فما تؤمنش بيه فلا تعترف بوجوده وبالتالي لا تتقبله
طب أقولك حاجة أحسن؟ ما تعترف بيه وتتقبله فتؤمن بيه فتحصل الرؤية..!! 😉
جرب..هتخسر أكتر من اللي خسرته؟!
لا تنتظروا إنهم يفوقوا ويعتذرولكم عشان ترتاحوا وترضوا على أنفسكم وعلى الدنيا. ارضوا عنها أنتو الأول وما تحطوش رضاكم عن أنفسكم رهن برضا الناس عنكم أيًا كانوا مين
#believing_is _seeing
#reverse_engineer_it
ليست هناك تعليقات:
إرسال تعليق