الغضب

 الغضب 

الغضب واحد من المشاعر الأساسية والقوية عند أي إنسان وهو سلاح عصيِ إذا حبيت تستخدمه؛ متاح لكنه له التحدي بتاعه

واحدة من الحاجات اللي اكتشفتها عنه هو إنه مغري.  بمعنى؟

الغضب بيدي صاحبه قوة..طاقة كده إنك تواجه تتخانق تدافع تهاجم تفرض سيطرتك وسيادتك واحترامك..تاخد حقك أو ثأرك. فيه لذة السيطرة والغنائم اللي بتيجي معاها..فيه ثورة وانتفاضة بسبب الهرمونات اللي بيفرزها الجسم وقتها بس لما تُفرز كتير بتعمل إدمان علىالشعور ده واللذة المصاحبة ليه وعشان كده هو مغري 🙂

ممكن يخليك مسيطر على الكل إلا نفسك 

وعشان كده خليك مدرك إنه مغري لكن ما تتغرّش 😉

افتكر إنه عصيِ

الحيوانات المفترسة مفترسة بسبب الغضبة السبعية اللي فيها. مش بيقولك سبع ولا ضبع؟! 

الإنسان بيشترك مع الحيوان في النفس السبعية دي

الغضب كمان درجات. مش كله زي بعضه. في درجات تعرف تتخطاها وتهدأ ودرجات تانية محتاجة مجهود عشان ما تقعش في فخها. لما بتعرف تتخطاها بتديلك هدية

اخرج بره دائرة سيطرة الغضب عليك واكتشف مميزات الخروج ده بنفسك 

عامل الوقت:

الوقت في حالات بيكون كفيل إنه يحل أمور كتير بس مش الغضب. فكرة 'أنا مع الوقت ههدأ' دي مش مفهومة كويس. أنت مع الوقت مستوى الهرمونات هيقل في جسدك والتوتر يقل والعصبية تخف لكن ده مش هيمحي الآثار اللي سابوها في نفسيتك وذاكرتك المشاعرية والجسدية. يعني ايه الكلام ده؟ يعني انخفاض مستوى الهرمونات المسببة لردات أفعالك لا يعني اختفاء الغضب وإفلاتك من قبضته. الغضب بيكونكامن حتى إذا عدّى الوقت يا بيرجع زي ما هو يا بتكون هناك بقايا مش قادر تخبيها ~ يعني لسه تحت سيطرته

خليكم فاهمين حاجة، الغضب طاقيا بيتحس من الآخرين زي الفرح أو الحزن. كلها مشاعر معدية بس الغضب مؤذي فبتكون أذيت نفسك وأذيت غيرك لما بيوصله/بيوصلها

لما بترمي غضبك على غيرك، ده مش تخلص من سيطرة الغضب عليك. أنت كده بتغذيه وبيكبر أكتر ويستمر معاك فيكمل في أذيتك وأنت مش حاسس

الغضب من الآخر اللي مش فاهمك أو إنك توصله رسالتك باستخدام الغضب بيؤذيه فالرسالة اللي بتوصل هي "ده بيؤذيني" بدلًا من "دهخايف عليا وعايز مصلحتي" ممكن يفهم إنك عايز مصلحتك انت مش مصلحته هو 

ولما ما يفهمش كويس تتهمه بالعناد أو الغباء

يعني أنت تزعق فيه وتغضب وعايزه بعد ده كله يفهمك كويس؟ بأمارة ايه؟ 🙄

"لا تغضب" كما قالها الرسول صلى الله عليه وسلم. 

راوض السبع اللي جواك اللي عايز يطلع يهبش لأنه حاسس بالعجز. الغضبان هو في الحقيقة غضبان من نفسه. تعاطف مع الجزء ده في نفسك اللي حاسس بالعجز والخوف. حبه كتييير كتير كتير وسيبه يعبر عن حبه للآخر (حبه اللي هو أصل غضبه). علّمه يحب بشجاعة مشيغضب لما الآخر ما يستقبلش أو مش فاهم. اسمحله يفهّمه مش يفتحله راسه أو يستخبى ويفضل زعلان

#ما_تستخباش

#وما_تفتحش_راس_حد😄

سرطان غير مصنف

 سرطان غير مصنف

في نوع مستشري من السرطانات غير مصنف لكنه موجود وأشد خطرا من الوباء نفسه اسمه الانتقاد

الانتقاد اللاذع اللي بيجي بأشكال مختلفة ظاهرة ومستترة ويؤذي ويهدم أفراد وأسر ومجتمعات كاملة. الانتقاد له اسم تاني منتشر أكتر بين الناس وهو التنمر، لكني هاستخدم لفظ الانتقاد هنا 

الانتقاد له مصدرين: خارجي وداخلي..خارجي بتسمعه من اللي حواليك وداخلي بتسمعه جواك وتعيش بيه باقي عمرك وده بيحصل في حالة واحدة بس وهي لما تصدق الانتقادات والكلام اللاذع اللي اتوجهلك (وانت صغير أو وانت كبير) وتبتدي تكررها لنفسك زي صلاة أو ترنيمة أوأغنية مفضلة بتشتغل جوه عقلك ونَفْسك باستمرار 

الأغنية دي كلماتها بتدور حوالين انتقادك لنفسك وكراهيتها وعدم رضاك عنها (كأنها جابتلك العار والخذلان) وخد عندك بقا إساءات لفظية وكلام يسم البدن من اللي قلبك يحبه كتير. وكل ده ليه؟ عشان ده سرطان منتشر في كل البيوت من كل الأوساط بين الكبار وبعضهم وبين الصغار وبعضهم ومن الكبير للصغير والعكس. وده فقط بداية التفكك وبداية الخلل

هذا الانتقاد له ذرائع..أيون ذرائع مش مبررات لأنها غير مقبولة..زي التمييز العنصري أو التمييز الطبقي أو تمييز على أساس الشكل أوالوضع الصحي، زي ذريعة "ده أنا بقوله كده بس عشان عايزه يكون أحسن/عايزه يطلع راجل" أو "أنا بوعيها قصدي مصلحتها" 🙄

مفيش حد عايز مصلحتك ينتقدك ويهينك ويحسسك بالدونية أو إنك مش كفاية وما تملاش العين ويقارنك بالآخرين 

مفيش حد قيمته عالية بنظره هيحتاج ينتقد حد وينتقص منه عشان يعلىٰ فوقه. ده تعنيف نفسي زيه زي التعنيف الجسدي. الشخص المُعنَّف يُعنِّف نفسه ويعنف غيره وده اللي حصل وبيحصل..عشان كده الانتقاد أصبح مبدأ وأسلوب في التعامل فزاد وانتشر وأصبح سرطان غيرمصنف

لما واحد يهين شخص، يرد عليه ويقوله "احترم نفسك." احترام الذات هو العلاج الإشعاعي المطلوب عشان القضاء على السرطان ده. احترم نفسك كفاية إنك ما تصدقش كل الكلام اللي بتسمعه من أشخاص ما عرفوش يحترموا ذواتهم في الأساس. ذاتك هي منطقتك المقدسة..ماتسمحش لحد إنه يجي يخرّبها أو يشوهها. كمان لا تسمح لناقدك الداخلي إنه يحسسك بالخجل من نفسك فتكون قاسي على حالك. أعد برمجته عشان ما يقعدش يشغلك نفس الاسطوانة المشروخة مرارا وتكرارا. اتعلم تتصالح مع نفسك وتكون لطيف معاها. الرحمة والرأفة يكونوا أساس علاقتك بيها وافتكر إنها منطقة مقدسة..لا تدنسها واهتم بيها..

اهتم كمان بمظهرك ولا تهمله..ما تقفش أدام المراية تنتقد شكلك وتحتقر نفسك عشان تثبت إن الأصوات الخارجية عندها حق لما انتقدتك وقللت منك

أقم حوار داخلي مع نفسك واتعرف عليها. عاملها كصديق جاي ياخد معاك الشاي واتكلموا مع بعض ولو صديقك ده عاتبك، اطلب منهالسماح واوعده إنك هتاخد بالك أكتر من كده ومش هتكرر معاملتك العنيفة وكلامك الجارح ده تاني. حسس نفسك إنك قابلها زي ما هي (إذاكنت عايز يظهر في حياتك أشخاص يقبلوك زي ما أنت)

أما الأشخاص إللي مش قابلينك، اعملهم delete

وأقرأ مقالي في حب الذات عشان تفهم أكتر

خدعة الزمن الجميل

 خدعة الزمن الجميل

برنامج مواهب؟ يسموه الزمن الجميل

فيلم أبيض وأسود؟ يسموه الزمن الجميل

صورة أول مضيفة طيران ولا قصر ملكي ولا أول كاميرا تصوير؟ يسموه الزمن الجميل نفسهم يرجع أو كانوا اتولدوا فيه 🧐

هل تعلم؟ إن الزمن الجميل ده كانت فيه ملايين بتموت وتشرد وتجوع زي دلوقتي بالظبط.. كانت فيه رشوة ومحسوبية زي زماننا الحالي بالظبط..السيدات كانوا بيعانوا بردو من تحكم وقسوة المجتمع عليهم زي الوقت الحاضر..

إن التقاليد البالية اللي بنتمرد عليها حاليًا واخدينها من الزمن الجميل ده.. إن الناس كانت عايشة تحت وطأة احتلال وقمع وتجهيل..أعدادالفقراء كانت كبيرة بردو.. 

إن أفلام الأبيض وأسود وغيرها صدرتلنا صورة مغلوطة عن الحب والرومانسية والعلاقات..حتى توم أند چيري كان جزء من غسيل الدماغ..

هل كنت تعلم كل ده؟ طب هل كنت شايف الصورة كويس؟ 

لسه بردو نفسك تعيش في -بين قوسين- الزمن الجميل؟

أنا لا مع ولا ضد وفي نفس الوقت بحترم ذكريات الأجيال الأكبر سنًا ومقدرة إن دي فترة شبابهم وإن في حاجة اسمها حنين لأوقات عاشوها مرتبطة بأماكن أشخاص أو مواقف، لكن كلامي على شئ تاني خالص

أنا باكلم اللي ما كانش اتولد وقتها أو اتولد بس مش فاكرها. ايه اللي بيشدك في الزمن ده ومش موجود في زمنك الحاضر؟ طب ممكن أنت تغطي الفجوة بين الزمنين إزاي؟

هل البريق اللي حوالين الزمن الماضي بيشدك عمومًا؟

لو قلتلك ان في أجيال هاتتولد في المستقبل بتشوف زمنك الحاضر الزمن الجميل بتاعها، هتقولهم إيه ؟

#هرشة_دماغ

معرفة الذات

 معرفة الذات

وبيسموها الوعي بالذات self awareness 

رحلتي مع معرفة ذاتي بدأت من سنين طويلة عديت أثناءها بمحطات مختلفة مش شبه بعض وأنا كمان ما بقتش شبهي

حقيقي فخورة بالشوط إللي قطعته حتى الآن. أقدر أقول على نفسي I’ve come so long way

بالفعل بقول كده من وقت 🙂

واللي جاي مختلف بردو بإذن الله 

مش بقول ده عشان أتكلم عن نفسي كتير لكن حبيت أقول حاجتين للي عايز يمشي الطريق ده أو ماشي فيه بالفعل:

أول هاام 😁 اعرف أو ابدأ من عند جذورك/أسلافك. النقطة دي ما بتتقالش تقريبًا في الوسط اللي مهتم بالتطوير والصحة النفسية. صحيح بيتكلموا كتير عن الطفولة والتربية والبرمجات وعقد الطفولة لكن ما لقتش حد بيجيب سيرة الأسلاف وشجرة العائلة يعني ما هو أبعد من تاريخ ميلادك ونشأتك الشخصية. النقطة دي فادتني كتير جدًا 

ملحوظة: دي مش زي حوار الحيوات السابقة 

تاني هاام، رحلة معرفة الذات مستمرة لاتنتهي. هتفضل تتغير وتفضل تكتشف ذاتك/نسختك الجديدة. زي تحديثات البرامج كده لما بتنزل،لازم تخش تستكشفها بنفسك وتتعلم من أول وجديد 

كل ما بتتخرج وتاخد البكالوريوس، تدخل تاخد بكالوريوس جديد 😄

مش تكدير ولا حاجة ولا عالم فاضية والكلام ده. الموضوع عامل زي الشكل الحلزوني spiral كل ما بتطلع مستوى أعلى بيكون كيانك ودنيتكأوسع فتترقى وتاخد مسئوليات أكتر. 

خفت لما قلتلك مسئوليات أكتر؟ 

ولا تزعل أعدلهالك. مسئوليات أكتر وقرشين حلوين...مبسوط؟ 😀

يلا cheers 🥂 

لا زلت على رأيي

 لا زلت على رأيي

من فترة كده كنت اعترفت اعتراف أمامكم وقلت إن التعامل مع البشر مقزز في بعض الأحيان والحقيقة إني لازلت عند رأيي

أنا ممكن أتفهم عدم مقدرة البعض على رؤية محتوياتهم الداخلية اللي بيعكسالهم واقعهم الخارجي، لكن اللي لا أتفهمه هو إنك تكون شغال أو على صلة بمجالنا ده وتبقى شغال تعلم وتوعظ في الناس لكنك أخر واحد يطبق اللي بيقوله 🙄🙄🙄

ده إيه ده بالظبط؟!

لما ما يكونش للي اتعلمته أي تأثير في حياتك ولا فكرت مجرد تفكير إنك تاخده تستفيد أنت بيه أولىٰ من غيرك وبدل من ذلك، تسقط كل الحِكم وكلامك الأجوف على الناس باعتبار إنهم في الظلمات وأنت المنور فيهم (زي الباز أفندي كده) وواجبك تنقذهم وتدلهم لكن مش عارف تنقذ نفسك، ده أسميه إيه؟

حضرتك خالي من العقد النفسية والطاقية من يوم ولدتك أمك يعني؟ ولا مش قادر تشوف أوجه قصورك؟ ولا مغطي عليها وعايش حياتك بتديدوراتك ومناقشاتك كأنها مش موجودة؟

مخبيها ومربطها بسلاسل محكمة للدرجة دي ولّا بتظهرلك مع أول مراية تقابلك بس أنت شاطر في لعب الغميضة؟

طب أنت صدقت إنها مش متشافة؟ 

بلاش، هل أنت مفكر إنها مش هتعلن عن نفسها في يوم ما وتطفو على السطح شئت أم أبيت؟ عملت حساب اليوم ده؟

إذا كان لأ، اسمحلي أحييك على ذكائك. ما هو لو كنت فكرت شوية، ما كنتش عملت اللي انت عملته ولا أنا كنت كتبت فيك العصيدة الشعرية دي 😂

الخلل، أيًا كان نوعه، يُعالج أولًا في الداخل. الخارج بيعكسهولك فقط فما تبقاش زي دون كيشوت وتروح تخانق طواحين الهوا 😏

إذا كنت بتتكلم عن الحب، حب نفسك كما يجب أولًا واتصالح معاها عشان تعرف تحب الغير بالفعل مش بالكلام. إذا كنت بتتكلم عنالمسامحة، سامح نفسك أولًا وسامح اللي أذوك زمان بصدق مرة واحدة بدون شروط. إذا كنت بتتكلم في رفع الذبذبات، ارفع من ذبذباتك أنت أولًا واجذب اللي أنت عايزه وعيش الحلم بعدين تعالى قلنا عملتها إزاي. إذا كنتي بتتكلمي عن تبسيط الحياة أو تنظيمها وتخطيطها، نظمي حياتك إنتي الأول وخططيها بعدين كوني مثال وقدوة لغيرك. 

إذا كنت حتى واعظ ديني أو متحدث في الفلسفة والحكمة، اتقِ الله وانظر إلى بشريتك الخطاءة أولًا قبل ما تنكر على الناس آدميتها 

لا تلبس قناعا آخرًا فوق أقنعتك لن يزيدك إلا قبحًا..واستفق قبل أن تلقىٰ وحشًا يُسمى ظلك

#يوم لا ظل إلا ظله