"الناس تقول عليك إيه!" "الناس تقول علينا إيه!"
أغبى مبدأ في التاريخ ممكن تمشي عليه! 🤓
ده كمان كلام يتشال ويتمسح من قاموسك إذا كنت عايز تعيش مرتاح في حياتك
قصة جحا والحمار خير دليل على كلامي
لكن مش هي الدليل والحقيقة الوحيدة في الموضوع ده
خليني أنبهك لحقيقة تانية وهي إن إللي بيقولك الجملتين اللي فوق 🔝 هو/هي الوحيد اللي بيتكلم عليك
الناس أساسًا عايشين مُغيَّبين مش عارفين يبصوا على روحهم..هيبصوا على حد تاني وكمان هيتكلموا عليه؟!
مين بقى إللي فاضي يبص عشان يتكلم عليك؟ 😉
يا سيدنا إللي عايز يتكلم، خليه يتكلم. بكرة يزهق. محدش فاضي لك طول الوقت ده كله
إلا لو بياخد فلوس على الشغلانة دي 😃
تخيل كده إنسان عايش بيعمل كل اللي يتقاله عليه ويخبي نفسه عشان يتقي شر الناس وتلسينهم، عيشته تبقى عاملة ازاي؟ 🤔
يمين يمين شمال شمال
-طب وهي الناس ليه كل شوية يغيروا رأيهم؟
عشان كل شوية بحال شكل
-طب وليه بيتناقضوا مع نفسهم وكلامهم متناقض؟
عشان بينسوا هما قالوا إيه من شوية 🤥🤪
-طب وليه بينسوا؟
عشان مغيبين..غير مهتمين
-طب وأنا مالي..يطلّعوا عليا مشاكلهم ويحشروا مناخيرهم ليه؟
عشان عايزين يتسلوا فبيتسلوا عليك
-يتسلوا عليا؟! 😳
أومال أنت فاكر إيه! لما أكون واحد مغيَّب أد الدنيا ومالي جيبي بس مش مالي وقتي وعقلي، هشغل وقتي إزاي؟ مش لازم أتسلى عليك؟ لازم طبعًا وخصوصًا وأنت أمّور وبتسمع الكلام..لا وكمان بتصدقه 🤭
-يعني هو الموضوع كده؟ 😲
صحصح يابني وركز كده..ما تعشليش في دور الصدمة وتتعقد بدري. ولا انت كمان مغيب؟ 🙄🫥 كل ده تطور طبيعي للحاجة الساقعة. أنت بس حاطط الناس في مكانة عالية زيادة عن اللزوم وفاكرهم عايزين مصلحتك كإنهم تمثال طلعت حرب أو مصطفى كامل في وسط البلد والناس بتلف حواليهم. ناقص تقدم لهم قرابين عشان يرضوا عنك
والحقيقة أنت بتكون القربان ده اللي بيلتهموه ومش عاجبهم 🫤
وأنت مش بتيجي على بالهم غير لما تيجي قصاد عينهم وأول ما تمشي، بينسوك ويتسلوا على اللي بعدك في الطابور
وَإِن تُطِعْ أَكْثَرَ مَن فِي الْأَرْضِ يُضِلُّوكَ عَن سَبِيلِ اللَّهِ ۚ إِن يَتَّبِعُونَ إِلَّا الظَّنَّ وَإِنْ هُمْ إِلَّا يَخْرُصُونَ (116) سورة الأنعام
مش بقولك 'مغيبين' عاملين فيها مفتحين 🤡😈
مش معنى كلامي إن كل الناس مافيهاش خير ومفيش حد مهتم حقيقي بيك. في ناس مهتمة حقيقي بس دول قليلين. دوّر عليهم في المحيطبتاعك. ميزهم وحافظ عليهم. حافظ عليهم بجد. مش تطفشهم.
خليك صاحي
"كل إللي يعجبك والبس اللي يعجب الناس"
بردو؟ 🙄
مفيش فايدة 🤦🏻♀️😵💫
انا أسيبلكم البلد أحسن 🤠🤠
